Ақтөбе облыстық АИТВ-инфекциясының алдын алу орталығында 2026 жылы зертханалық қызметті жаңғырту жалғасуда. Liaison XL автоматты иммунохимиялық анализаторы пайдалануға берілді, бұл зертханалық диагностиканы жетілдірудің және көрсетілетін медициналық көмектің сапасын арттырудың маңызды кезеңі болды.
Жаңа жабдық автоматтандырылған режимде орындалатын АИТВ-инфекциясына зерттеулер көлемін едәуір арттыруға, зертханалық зерттеулер жүргізу уақытын қысқартуға және нәтижелердің дәлдігін арттыруға мүмкіндік береді. Заманауи технологияларды енгізу зертхана жұмысының тиімділігін арттыруға ықпал етеді және АИТВ-инфекциясын уақтылы диагностикалауды қамтамасыз етеді.
Сонымен қатар, орталықта CD3, CD4, CD8 және CD45 жасушалық популяцияларын жоғары дәлдікпен автоматтандырылған талдауға арналған Mindray bricyte E6 жаңа буын ағындық цитометрі іске қосылды. Заманауи цитометрді қолдану пациенттердің иммунологиялық мәртебесін жедел және жоғары дәлдікпен анықтауға мүмкіндік береді, бұл АИТВ-мен өмір сүретін адамдарды бақылау, антиретровирустық терапияның тиімділігін бағалау және уақтылы клиникалық шешімдер қабылдау кезінде маңызды.
«Орталықты заманауи автоматтандырылған жабдықтармен жабдықтау-зертханалық қызметті дамытудағы маңызды қадам. LIAISON XL анализаторын іске қосу автоматтандырылған жабдықта орындалатын АИТВ-инфекциясы бойынша зерттеулердің көлемін ұлғайтуға мүмкіндік берді және Mindray bricyte E6 ағынды цитометрін пайдалану иммунологиялық диагностика мүмкіндіктерін айтарлықтай кеңейтті. Бұл зертхананың өнімділігін арттыруға ықпал етеді, зерттеулердің жоғары сапасын қамтамасыз етеді және АИТВ-инфекциясын уақтылы анықтауға, сондай — ақ пациенттердің иммундық жүйесінің жай-күйін тиімді бақылауға мүмкіндік береді» — деп атап өтті диагностикалық зертхана меңгерушісі Гулмира Кульжанова.
Орталықтың материалдық-техникалық базасын дамыту диагностиканы жетілдіруге, профилактикалық іс-шаралардың тиімділігін арттыруға және халықты заманауи медициналық технологиялармен қамтамасыз етуге бағытталған жұмыстың басым бағыттарының бірі болып табылады. Автоматтандырылған зертханалық жүйелерді енгізу денсаулық сақтаудың заманауи талаптарына сәйкес келеді және өңірде медициналық көмек көрсету сапасын одан әрі арттыруға ықпал етеді.