АИТВ-ның алдын алу: Темір ауданының оқушыларына арналған дәріс

Темір ауданына іссапар аясында дәрігер-эпидемиолог Динара Уразалинова білім алушыларға АИТВ-инфекциясының алдын алу мәселелеріне арналған дәріс өткізді.

Кездесу Шұбарқұдық гимназия мектебінде өтті. Кездесу барысында вирустың таралуының негізгі жолдары, жеке профилактика шаралары, сондай-ақ денсаулық мәселелеріне жауапкершілікпен қарауды қалыптастыруға бағытталған толық ақпарат берілді.

Мұндай ағартушылық іс-шаралар жастардың хабардарлығын арттыруда және жастардың репродуктивті денсаулығын нығайтуда маңызды рөл атқарады.

Мектеп басшылығы Динара Уразалиноваға кәсібилігі мен өскелең ұрпақ арасындағы профилактикалық жұмысқа қосқан үлесі үшін алғысын білдірді.